2019豬年運程店鋪風水風水分享風水創富

選擇風水旺鋪要點

風水眼之一:選擇風水旺鋪必須"啱數"及知道什麼是"陰陽街"-柯士甸道由廣東道官涌開始至尖沙咀漆咸道的一段路面,其實一向也不旺,根本不適合零售業,即指是"街鋪",也不適合飲食業,包括茶餐室之類。

在我印象之中,廿幾年前,德信小學對面有一間"齋鋪"都叫做搞得幾似樣,自始之後,成條街也未見過一間好生意的食肆,零售更加不值一提。雖然柯士甸道是"陽街",但過去的風水地運告訴大家,成條街也不旺商業活動,包括寫字樓大廈,近官涌的柯士甸道有一寫字樓大廈,由Day one至今,幾乎做乜死乜,開酒樓會執笠,辦公室也難逃一劫,有人說是尖沙嘴警局煞氣太大,但其實呢條路從來不"啱數",只旺開補習學校、辦學校,大家仲有冇記得柯士甸道近九龍公園,曾經有一間Joseph Lau英文學校及一間夜間商科學校呢。所以,真正的風水,不但要看羅盤,更加要學會一對"風水入地眼",識得睇山睇水。

 3,215 Posts 0 Comments 730182 Views